A Vicepresidencia apoia a celebración da Mostra de Instrumentos de Música Tradicional de Pardiñas, que se celebra hoxe en Parga
O deputado de Artesanía e Deseño, Efrén Castro, participou esta mañá na inauguración da XXVIII Mostra de Instrumentos de Música Tradicional de Pardiñas, organizada pola Asociación de Gaiteiros Galegos (AGG) no campo da feira de Parga.
A mostra congrega preto de 30 artesáns e artesás que amosan os instrumentos que constrúen nos seus obradoiros, como gaitas, requintas, zanfona, tambores, bombos, pandeiretas ou trompas, entre outros.
Trátase dun dos encontros de luthería máis importantes e antigos da Península Ibérica, así como “un referente indispensable da música tradicional galega”, destacou o deputado, quen aproveitou a ocasión para lembrar “o importante papel formativo e de investigación que se desenvolveu desde o obradoiro de instrumentos creado por Paulino Pérez e Faustino Santalices no ano 51 e cuxo legado garda o Centro de Artesanía e Deseño”.
A mostra, inaugurada co pregón de Camilo Regueiro, promotor e actual vicepresidente da Asociación PuntoGal e destacado investigador do patrimonio musical galego, desenvólvese durante todo a xornada, cun formato adaptado á situación sanitaria, dacordo co seguinte programa:
13.30 h. Ruada co grupo Os Bregadiers
14.00 h. Xantar
17:00 h. Actuación de Galicia Fiddle
19.30 h. Concerto de Airiños da Freba