Lugo convértese na capital do encaixe coa 3ª edición do PalillAD organizada pola Deputación
Esta encontro promovido pola Deputación puxo en valor este tradicional oficio do noso patrimonio cultural impulsando a artesanía e contribuíndo á dinamización económica ao redor do encaixe artesanal
García Porto salientou que “coa terceira edición do PalillAD continuamos apoiando a cultura ao redor do oficio de palilleira e promovendo un sector artesanal que está a experimentar unha importante transformación impulsada polas redes sociais, o mundo da moda, o deseño e a decoración”
A Deputada de Cultura en funcións, Pilar García Porto, asistiu a terceira edición do PalillAD, unha xuntanza que reuniu a 300 palilleiras e multilabores ao redor do encaixe de palillos, este sábado, na Horta do Seminario da cidade de Lugo.
Trátase dun encontro organizado pola Centro de Artesanía e Deseño da Deputación e no que colaboran o Concello de Lugo e a Asociación Agulla Máxica, para poñer en valor e manter viva a tradición do encaixe de palillos, un traballo artesanal transmitido de xeración en xeración que forma parte do noso patrimonio cultural. Con esta iniciativa a Deputación contribúe tamén á dinamización social e económica da provincia xa que o encaixe artesanal está a ter maior presenza no mundo da moda e da decoración conseguindo abrir novas vías de negocio.
García Porto salientou que “coa terceira edición do PalillAD continuamos apoiando a cultura ao redor do tradicional oficio de palilleira e promovendo este sector artesanal, que está a experimentar unha importante transformación impulsada polas redes sociais, o mundo da moda, o deseño e a decoración. Nesta xuntanza en Lugo, as palilleiras teñen a oportunidade de intercambiar e actualizar coñecementos ao redor do mundo do encaixe”.
Na actualidade existen 12 asociacións de palilleiras e preto de 1.000 profesionais dedicadas a oficio en toda a provincia. Este ano asistiron ao PalillAD, palilleiras de toda a provincia procedentes das localidades de Monforte, Viveiro, Xove, Sarria e Ribeira Sacra entre outras. Tamén achegáronse ata a cidade de Lugo profesionais do encaixe procedentes do resto de Galicia que palillaron agrupadas por colectivos intercambiando os seus coñecementos e amosando o seu traballo a todos os asistentes ao encontro.
Historia
Aparecen mostras dos inicios do encaixe na artesanía de diferentes pobos: no veo das mulleres turdetanas e íberas; na túnica romana feita co finísimo fío galego; na alba, con adornos, dos curas católicos, consecuencia da anterior. Hoxe en día, aldeas e vilas agrícolas e pesqueiras, viven do encaixe, xa que nace e camiña como artesanía-industria asociada á agricultura e á pesca, sempre coa técnica do entrecruzado de fíos, xeralmente de lino ata o século XX, que se cambia ao algodón.
A partir do século XV aparecen noticias en inventarios e documentos sobre herdanzas e dotes de encaixes, e non había pazo ou casa da vila onde a dote das noivas non levase algún elemento desta artesanía. Os reis e raíñas da Casa de Austria e da Casa dos Borbóns déronlle ao encaixe o empuxe definitivo ao incorporalo á roupa da nobreza, á de imaxes e obxectos das igrexas, á decoración de pazos e casas señoriais, e mesmo promulgaron leis e normas que regularon o traballo e a venda desta artesanía. O catastro dá Ensenada (século XVIII) alude a moitos portos e vilas con importancia económica palilleira e isto é debido a que comeza o comercio con América, a onde se exportan estes encaixes, o que motiva que se incremente notablemente a súa produción. As sociedades económicas de amigos do país axudaron ao esparcimento do encaixe por vilas e aldeas, cambiaron a roca polo torno, perfeccionaron o hilado e déronlle un empuxe a nivel cultural das palilleiras.
