Iria Castro participou na presentación do Curso de Primavera Pegadas no muro, sobre a arte urbana

A deputada de Cultura Iria Castro participou esta mañá na inauguración do Curso de Primavera, que se desenvolve desde hoxe ata o venres na Facultade de Humanidades, baixo o epígrafe “Pegadas no muro: Relatos e proxectos de arte urbana”. Diego AS, Yoe 33, May Rojas, Pía Piadosa ou Asunción Moreno participarán no curso, coordinado por Miriam Elena Cortés López e Patricia Cupeiro López, xunto con outros 30 artistas, expertos e investigadores

No acto Iria Castro parabenizou ás coordinadoras do curso, unha iniciativa “innovadora e atractiva”, que contribúe a proxectar Lugo como unha cidade de referencia para a arte urbana,  con murais e artistas recoñecidas en Galiza e internacionalmente, e agora tamén como materia de estudo no ámbito académico”.

A deputada de Cultura é a concelleira de Cultura Maite Ferreiro participarán mañá xoves na mesa redonda “Arte urbana. Tecendo redes” na que exporá as iniciativas promovidas pola Vicepresidencia da Deputación de Lugo e polo área de Cultura do Concello de Lugo no ámbito da arte urbana.  O venres, a directora do Museo Provincial de Lugo Aurelia Balseiro impartirá a conferencia “Arte urbana e muralismo galego. Consolidación e recoñecemento”.