A Deputación e o Concello dan a coñecer a realidade dos ventres de aluguer, coa presentación dun libro
A Deputada sinalou que “a xestación subrogada é unha forma máis de violencia contra as mulleres, e como parte da programación Mulleres con forza queremos ser parte do debate”
A Deputada de Promoción Económica e Social, Sonsoles López Izquierdo, a Concelleira de Benestar Social e Igualdade, Ana González Abelleira, e a autora do libro Vientres de Alquiler, Nuria González López, participaron na presentación, este luns, no Pazo de San Marcos, desta publicación que afonda na xestación subrogada, estuda a situación xurídica desta práctica e as consecuencias das mulleres xestantes. O acto enmárcase dentro da programación Mulleres con Forza, posta en marcha por Deputación e Concello de Lugo para conmemorar o 8 de marzo, ao longo de todo o mes.
López Izquierdo sinalou que “a xestación subrogada é unha forma máis de violencia contra as mulleres, unha mercantilización do noso corpo, e, nun momento no que a atención mediática ten interese no tema, nós queremos ser parte do debate coa presentación deste libro, como parte da programación Mulleres con forza en torno ao Día Internacional da Muller”.
A obra Vientres de Alquiler, trata de amosar á realidade da xestación subrogada a través dun análise xurídico da lexislación española e internacional, dun percorrido polas distintas empresas de ventres de aluguer e un estudio dos casos máis paradigmáticos. No libro, Nuria González, destapa os intereses detrás dunha maternidade subrogada, unha práctica ilegal en España e permitida solo en 12 países de todo o mundo.
A autora, Nuria González, licenciouse en Dereito, é membro dos los Servicios Jurídicos de la UGT de Catalunya y del Turno de Oficio de Violencia de Género en Barcelona. Ademais, tamén traballa como asesora xurídica para varios concellos de Barcelona e Tarragona. No ano 2013, marchou a vivir a México, onde traballou dentro do movemento feminista a favor dos dereitos humanos das mulleres en varios estados da república, especialmente no Estado de México. Nuria tamén traballou con varias organizacións de mulleres indíxenas, o que a levou a ser, no ano 2014, Xuíza do Tribunal dos Dereitos Humanos das Mulleres Indíxenas na Conferencia Mundial dos Pobos Indíxenas da ONU.
Mulleres con Forza
Esta presentación enmárcase na programación Mulleres con Forza, posta en marcha por Deputación e Concello. Ao longo de todo o mes de marzo haberá diferentes actividades a prol da figura da muller: andainas pola igualdade, actuacións de microteatro, faladoiros feministas, espectáculos de danza e concertos musicais, entre outras actividades.