Éxito de participación na mostra de razas autóctonas de Arante, co apoio de Medio Rural da Deputación de Lugo

Arante acolleu este sábado a primeira mostra de razas autóctonas, organizada pola Asociación de Veciños coa colaboración de Medio Rural da Deputación de Lugo.  Un evento novo no calendario das feiras e exposicións de gando da Mariña que tivo unha boa acollida por parte das gandeirías e da veciñanza da comarca.

Máis de medio cento de exemplares de razas bovinas autóctonas, ovella e cabra galega, galiña de Mos, cabalo de Pura Raza Galega e porco celta puideron verse no recinto gandeiro, punto central dunha xornada lúdica con comida popular, carreiras de cabalos, xogos tradicionais e verbena. 

Mónica Freire felicitou a Asociación de Veciños de Arante pola iniciativa, "que demostra o potencial da tradición gandeira como motor de dinamización económica e social" e  destacou a importancia de "promocionar as razas autóctonas e os seus produtos derivados ante o sector e ante a sociedade no seu conxunto".