Medio Rural da Deputación colabora coa Feira do Mel de Muras, que se celebrou no Viveiró

A deputada Mónica Freire asistiu esta mañá a VII Feira do Mel de Montaña de Muras, que reuniu 25 postos de mel e outros productos agroalimentarios do outono no Viveiró.  A área de Medio Rural da Deputación de Lugo colabora co Concello de Muras  na organización da feira, que pon en valor a calidade do mel das producións locais e facilita a súa venda directa aos consumidores.

Mónica Freire explicou que “desde a área de Medio Rural valoramos especialmente estas iniciativas que inciden na diversificación produtiva do rural, promovendo actividades como a apicultura que xeneran rendas complementarias para as persoas que viven no rural e contribúen ao mantemento do medio natural”.

Nese sentido, a deputada destacou “o traballo que o goberno municipal de Muras ven desenvolvendo para dinamizar económicamente e socialmente o concello a partir do aproveitamento do monte”.

A feira, que conta cunha achega de 6.000 euros da área de Medio Rural da Deputación, complementou a venda de productos agroalimentarios cun certame de mel de calidade e cun programa lúdico con demostracións de cociña –con Beatriz Sotelo- e coctelería –con Diego Mosquera- e obradoiros infantís.

O Concello de Muras conta tamén cunha achega de 6.000 euros do Plan Único provincial para a organización da feira.