Colección para préstamos
Esta colección que presentamos e froito da nosa constancia nos traballos de recuperación do patrimonio musical galego. Componse de 8 instrumentos de corda representados na iconografía galega entre os anos 1105 e 1270, dúas centurias de grandes innovacións e cambios tecnolóxicos producidos na sociedade. Para elo desenvolvemos unha nova actuación integral contemplando reconstrucións históricas, formación de artesáns profesionais e cursos de interpretación especializados.
Para a presentación pública programouse un ciclo de concertos e exposicións itinerantes que rematarán con unha nova proposta no ano 2021 baixo o título de A Memoria do son. Proxectada con vontade divulgadora, permitirá traballar aos docentes diferentes competencias, desenvolvendo, á vez, sentimentos de pertenza e espertando o pequeno investigador que levamos dentro.
Con estas novas achegas do proxecto, estudo e difusión da música medieval logramos unha ampla panorámica do que foi a música na Idade Media e conformamos esta colección que destinamos a préstamos temporais gratuítos a músicos, compositores e alumnado que precisen sacar adiante os seus estudos ou que teñan interese en investigar e experimentar as súas sonoridades.
Galería de imaxes.
Formulario de solicitude