TROMPA DE BOCA

O ensino, estudo e recuperación do patrimonio musical galego vertebra o traballo do obradoiro ata o ano 2008. Un dos programas que se desenvolveron máis exitoso é o dedicado á recuperación e continuidade do oficio e interpretes de trompa, un termo da montaña Lucense e, tamén, xeralmente utilizado en Irlanda e en Escocia. A trompa forma parte dunha categoría de instrumentos que emprega a capacidade da boca humana para producir unha morea de tons, unha variedade infinita de sons e con moitas maneiras de conseguilo. Mantívose vivo no concello da Fonsagrada grazas, entre outros, ao falecido Herminio Villaverde.

Un completo programa formativo con conferencias, obradoiros de construción e interpretación, mercado de venda e festival, durante unha semana no CENTRAD. Desenvolvéronse as actividades ás que asistiu numeroso público e alumnado chegado de toda Galicia. Músicos e artesáns galegos, sicilianos e noruegueses, xunto ao investigador John Wright, traballando xuntos para a revitalización dun instrumento musical que nos xungue ao compartir o mesmo sistema de fixación da lingüeta ao marco de ferro por medio dunha cuña.
Nunha segunda fase, desprazámonos á Fonsagrada para achegarlles a formación aos rapaces e rapazas da contorna, que construíron o seu propio instrumento. Paralelamente, nun  obradoiro ao aire libre, constrúese un instrumento xigante como monumento á trompa que instalamos  na praza do concello. 
Hoxe a trompa de boca é un instrumento máis do noso repertorio instrumental. Profesorado, mestres artesáns e, mesmo, unha asociación son piares na súa defensa para o futuro. Os últimos achados permítennos rastrexar o instrumento ata o século XVI na península Ibérica.

GALERÍA DE IMAXES                                                                                                  DESCARGABLES

EQUIPO DE TRABALLO:

Dirección das xornadas:

Luciano Pérez Díaz

Coordinación:

Francisca López, directora CENTRAD

Traballo de campo:

Natalia Regueiro

Cursos de construción:

Folke Nesland, Oliverio Álvarez, Ché da Luaña

Cursos de interpretación:

Anon Egeland, César Fernández, Daniel do Pando, Emilio do Pando, Francis Olivier, John Wright.

Mercado e exposición:

Bernard Lalanne, Emilio do Pando, Ivan Alvite, John Wright, José Vázquez Suarez- Che-, Juan Carlos Quintana, Manuel María Corredoira, Otilio Álvarez.

Concerto en memoria de Herminio Villaverde:

Altagracia Dovale, Anon Egeland, César Fernández, Emilio do Pando, Fabio Tricomi, John Wright, Juan Antonio Villaverde, Otilio Álvarez, Rodrigo Romaní, Sverre Jensen.